2021-03-24

UEMAKO TAILERRAREN ONDOREN, FAMILIEN KONPROMISOEN TXANDA!

 Lehen Hezkuntzako 2. mailakoek "Ispiluari begira" tailerra egin zuten eta familiei grabazioa bidali zitzaien, eskaera batekin: etxean, euskararen aldeko konpromisoa adostea eta eskolara idatzita ekartzea.

Familien erantzuna ezinhobea izan da eta gehienek ekarri dute konpromisoa!! bejondeizuela!!!





2021-02-28

YOLANDA ARRIETA, 4. MAILAN

Yolanda Arrietaren bisita izan zuten 4. mailakoek ostegunean. Ikasleek hilabete honetan haren ipuinak irakurri dituzte, haren biografia landu dute...

Yolanda gurean askotan izan da; ikasleentzako sormen tailerrak eskaintzen, eta irakasleontzako formazioak ematen. 4. mailako gela batek  haren izena du  eta han eman genion ongi etorria. 

Aurrekoetan bezala, izugarri gozatu genuen harekin eta merezi zuen omenalditxoa egiteko aukera izan genuen. AUPA, YOLANDA!

Hona hemen ikasleek kantatu zizkioten bertsoak:






Eta hona hemen YOLANDA ARRIETA GELAko saioa:




2021-02-26

"ISPILUARI BEGIRA" TAILERRA 2. MAILAN, HIZKUNTZ OHITUREZ

Aste honetan 2. mailakoen geletan izan ditugu UEMAko teknikariak. "Ispiluari begira" tailerrean parte hartu dute ikasleek. Familiek egindakoaren bideoa eta euskararen alde hartuko duten konpromisoa idazteko oharra jaso dute. Denon artean, errazago!




Hona hemen bideoa: HIZKUNTZ OHITUREZ, 2. MAILAN

2021-01-20

BERTSO-SAIO PARTIZIPATIBOAZ, ATARIA IRRATIAN



Ikasturte hasieran, bertso-saio partizipatiboa izan genuen 6. mailetan, beste hainbat ikastetxetan bezala. Horretaz aritu ginen  Ataria Irratian entzungai den "(H)ari naizela" saioan Imanol Artolarekin. 

2020-12-16

EUSKARAREN EGUNEKO LEHIAKETA- Jangelako begiraleak

 Jangelako begiraleen arteko lehiaketan, Martina Tolosa izan da sariduna eta hark jaso du Amets Arzallusen eta Ibrahima Balderen "Miña" liburua. Inoiz baina parte hartzaile gehiago izan ditugu. Zorionak, Martina, eta irakurketa gozatu!!