2022-06-21

MOKOTXIKI, euskararen laguna

 1. mailako ikasleekin MOKOTXIKI izeneko istorioa landu dugu. Txori bakoitzak bere txioa duen bezala. familia bakoitzak berea duela ikasi dugu. Hizkuntza guztiak dira politak, eta zaindu beharrekoak! 

Gainera, Mokotxiki etxez etxe ibili da, haren hizkuntza (EUSKARA) zabalduz, eta familia bakoitzak etxeko hizkuntza album batean  islatzeko aukera izan du. Benetan ederra izan da gelan denen "txioak" entzutea, eta, bide batez, gurea den EUSKARAre aldeko mezuak zabaltzea!

     


      ARGAZKIAK

2022-06-15

JUAN KRUZ IGERABIDEREN BISITA

 

Literatur astean, eskolako hainbat familiakiderekin batera, Juan Kruz Igerabideren bisita izan genuen 3. mailakook. Izan ere, gure gela batek bere izena darama, eta gure gonbidapena onartu zuen.

Igerabide etorri baino lehen, haren liburu batzuk irakurri genituen eta orduan konturatu ginen: zenbat gauza idatzi dituen!!! bertsoak kantatu genizkion, bere hitz jolastiak entzun genituen... hain kontzentratuta egon ginenez, argazkiak ateratzea ahaztu zitzaigun! hauxe bakarrik daukagu...

21-22 ikasturte bukaerako bertso emanaldia

 Aurten, eskolan bertan egin dute ikasleek bertso emanaldia, Bixente Gorostidi bertsolariaren gidaritzapean. Ederki aritu dira!!!


ARGAZKIAK

2022-06-10

3 urtekoak mendi bueltetan, naturaz gozatuz!


 https://photos.app.goo.gl/vCNViRFxfy1vSc8D8

2022-06-08

BATZORDEKIDEEI ESKERTZA

 2021-22a protokolo bereziekin hasi genuen. Bukaeran normaltasunez aritzeko aukera izan badugu ere, ikasturtea ia elkartu gabe joan zaigu. Ekintza batzuk antolatu ditugu, baina gehienetan egoera berezira egokituta. 

Dena den, batzordekideak hortxe egon dira, behar genuenerako prestu! horregatik, eskerrak eman nahi izan dizkiegu eta gaur, talde jolas batzuk egin ondoren, merezitako diploma banatu diegu.  

GORA EUSKARA BATZORDEA!!




2022-05-24

JOKIN ALTUNAREN BISITA

 Gaur Jokin Altuna pilotariaren bisita izan dute 1. eta 2. mailakoek. Izan ere, iaz, 1. zikloko gelei izenak aldatu genizkien eta 2. mailako gela batek haren izena darama. Ongi merezita!!

Espero bezala, goxo-goxo erantzun ditu ikasleen galderak eta haien omenalditxoa jaso du. Bertsoak kantatu dizkiote, oparitxo batzuk eman...  amezketarra, ordainetan,  haiekin pilotan ibili da eta argazkiak ateratzen eta sinatzen aritu da.

Ikasleek nekez ahaztuko dute gaurko arratsaldea. Mila-mila esker, Jokin, HANDIA bezain HURBILA zara benetan!! Laster osatzea  espero dugu.  Aupa, Jokin!




 ARGAZKIAK

2022-04-30

MAITE GURRUTXAGAREN BISITA LITERATUR ASTEAN

 2022ko literatur astean, MAITE GURRUTXAGA  ilustratzailearen bisita izan dugu. 2. mailako gela batek haren izena darama, eta gure omenalditxoa egin nahi izan diogu.  Ipunak gustatzen zaizkigu, eta, are gehiago, irudi politak badituzte. Eta, Maiterenak, benetan ederrak dira!

Gainera, gure galderak goxo-goxo erantzun ditu, kontu asko esan dizkigu eta guretzat marrazki bat egin du. Altxor bezala jarriko dugu haren biografiaren ondoan. Marrazten jarraitzeko gogoa piztu digu!!! Mila-mila esker, Maite!!




ARGAZKIAK ETA BIDEOAK